Tshekuan ua minin? Kapi, nipishapui? Ma tshui mitshin tshekuan?
Eukuan utin eshinakuak, auassat kenuenimataui anu mishau atushkan.
Nimitshetitan kie ninan kueshpiati. Nimushum mak nukum anite tapanat. Nimishta-minuatatiat anitshenat, mitshet tshekuannu nitshishkutamakutiat.
Ma nita tshitshishkutamakaun tshetshi tutaman pashteu-uiash?
Eshe! Animan ushkat tshetshi eka natamikᵘ itishaman tshia?
Nitshissituten ashit, nitshitapamati nimushum etusseti pessish patshuianitshuapit. Utanapia uaueshieu, tashkaimiteu. Minuatamupanat anite etataui nutshimit.
Eka tapue! Ekute innu nanitam inniuipan, ekute pakassiuipan, ekute minashkuat nanitam tapan.
Ne kanapua uet kukuetshimitan, nui kushpinan takuatshiki, auassat nui tshitutananat. Tshetshi kanapua nishtuapatahk ka ishinniunanunit ueshkat.
Eukuan ma kie tshika minuatamuat. Minupaniti kie ninan, eukuan tshe tutamat.
