E auassiut, eshkᵘ kushpipan ashit uikanisha.
Meshikaht nete tshe uitshiht, Tenesh iamekateu ukauia, ui tshituteu.
Ushima uitsheuku pepamutet minashkuat, natamikᵘ anite ui aituteuat.
– Nanipauat nete atikuat! Iteu ushima.
Ekue kashuht, kushteuat tshetshi uapamikuht.
Minekash tshitapameuat, mishta-minunueuat mak ui kushtashinueuat, tanite mishta-mishanua ussishikua ne aueshish.
Tshika minuenitaminua kutaka innua uitamuataui.
Ekue tshiueht kanapua, natshi-uitamuat tshekuannu ka uapatahk.
Miam ui tshitutenua utauia, ui kuapitshenua.
Uatamuakanit etaniti nenua atikua, nasht uni-tshissitutamᵘ nipinu ka ui natak ekue utshipitak passikannu ne tshishennu, shaputue shekashkupatuau.
